ફેસબુકની દીવાલ પર રંગરોગાણ કરતાં કરતાં (scrolling) કોઈ બે સમાચાર સાથે આવી જાય અને બંને સમાચાર વિરોધાભાસી હોય તો હાથ ટાઈપ કર્યા વગર ના રહી શકે.
એક ઈંગ્લીશ ન્યૂઝપેપરના ફેસબુક પેજ પર સમાચાર વાંચ્યા કે ન્યુ જર્સીમાં અધકચરા થિજેલા તળાવમાં એક પોલીસવાળાએ એક શેરી કૂતરાને પોતાના જીવના જોખમે બચાવ્યો. અતિશય ઠંડી હોવા છતાંય પોતાની ફિકર કર્યા વગર કોઈ માણસ એક પશુ ને બચાવે એ ખરેખર ગર્વ લેવા જેવી બાબત છે. અમેરિકાના માણસો માટે થોડુંક માન ઉપજ્યું કે આવા માણસો પણ હોય છે અને મન ખૂબ હકારાત્મક વિચારવા લાગ્યું. કમનસીબે મેં આ સમાચારની નીચે બીજા ગુજરાતી સમાચારપત્રના ફેસબુક પેજ પર પેટ્રોલપંપ પર બનેલી ઘટના જ્યાં એક પોલીસવાળાએ કર્મચારીની ધોલાઈ કરતો વિડીયો જોયો. બધું જ નકારાત્મક થઈ ગયું. ફોરેનમાં પશુને માણસ જેમ સાચવ્યો અને અહીં આપણે ત્યાં માણસ જોડે પશુ જેમ વર્તન કર્યું. ત્યાંના પોલીસવાળાને બ્રેવરી એવોર્ડ અને આપડાવાળાને લોકોએ ગાળો આપી. એક અર્થ એમ કે બંન્ને વ્યક્તિઓ પ્રખ્યાત થઈ જ્યાં એકે પોતાની જવાબદારી હટકે કરી અને બીજાએ હટી ને.
બધા દેશમાં સારી ખોટી ઘટના બનતી હોય છે પણ દરેક માણસ પોતાનું કામ નીતિપૂર્વક કરે તો ઘણું બધું સારું થઈ શકે અને કોઈક ફોરેનમાં આપણું ઉદાહરણ લે તો ખરેખર એ દિવસે ગર્વ લેવા જેવી બાબત બને....
અંતિમ સ્પર્શ:
લૂછ આંસુ, ભીંજવ ના તું કોઈ આંખને,
જીવતાની કદર કર શું સાચવે તું રાખ ને.
- નિશાંક મોદી
No comments:
Post a Comment