I am an engineer

#happy_engineers_day
#Respect

I am an engineer😀

પહેલા વર્ષમાં ખ્યાલ જ ન હતો કે આપણે એડમિશન લીધું તું ઈન્ફોર્મેશન ટેક્નોલોજીમાં, પણ વિષયો હતા ઇલેક્ટ્રિકલ, ઇલેક્ટ્રોનિક્સ, સિવિલ, મિકેનિકલ, મેથ્સ વગેરે વગેરે. આજ પરિસ્થિતિ બીજા ટેકનોલોજીવાળાને હતી કે જીવનમાં સિવિલ એન્જીનીયરને C, C++ ક્યાં કામમાં આવવાનું છે અને પહેલા વર્ષે વર્કશોપમાં ફાઇલિંગ, વેલ્ડીંગ, પ્લમ્બરિંગ કેમ કરવાનું....

સૌથી મજાની વાત કે કોઈને કહીએ કે IT માં છું એટલે પચાસ ટકા પબ્લિક તો પેલી ITI કુબેરનગર જ સમજે. એમને સાદી ભાષામાં સમજાવું પડે દોસ્ત કોમ્પ્યુટર એન્જીનીયર છીએ...તોય તકલીફ તો પડે જ કેમ કે થોડાક ભણેલા લોકો કોમ્પ્યુટર લઈ ઘરે આવી જાય અને કહે આનું મધરબોર્ડ બદલી આપોને. પછી થોડી વધારે ઇન્ફોર્મેશન આપવી પડે કે ઇન્ફોર્મેશન ટેકનોલોજી શું છે😀 હાર્ડવેર અને સૉફ્ટવેરમાં ફરક હોય.

એન્જીનીયરિંગ ઘણું બધું આપી ગયું, પરણ્યા પહેલાની એક ઝગારામારતી બેચલર ડીગ્રી, જોબ, સોસાયટીમાં ક્રેડિટ અને આ બધાથી ઉપર આવડત...જે ઘણી વખત ઘરના કામમાં જ ઉપયોગી બની રહે.

મને અને મારા જેવા કેટલાંય એન્જીનીયરને પોતાના કામ પર ગર્વ હશે કેમ કે કમાવવાનું અંતે આનાથી શક્ય બને છે. ધારત તો આ લેખ મોટો લખી શક્ત પણ એન્જીનીયર જે કઈ પણ કરે કાયમ ઓછું જ પડશે.

અંતિમ સ્પર્શ:
એક રાતમાં એક ચોપડી પુરી કરી દે,
દોસ્ત, એન્જીનીયર ધારે એ કરી દે.
- નિશાંક મોદી (B.E.I.T.) from one of the best engineering college (LDCE)