માઇક્રોફ્રિકશન વાર્તા: કિંમતી પાંચ રૂપિયા
પેટ્રોલડીઝલના પાંચ રૂપિયાના ભાવઘટાડાને લઈને દિનયો અને મંજુલા આજે ખુશ હતા પણ મજાની વાત એ કે આ પતિપત્ની જોડે ના કોઈ બાઇક, સ્ફુટી, કાર તો પછી આટલા ખુશ કેમ. તપાસ કરતા ખ્યાલ આવ્યો કે, એ બન્ને પેટ્રોલપંપ પર નૌકરી કરે છે. મંજુલા પેટ્રોલપંપ પર પેટ્રોલ ભરી આપે ને સાઈડમાં દિનયો હવા ભરે.
બન્નેને કામ પ્રમાણે પગાર ઉપરાંત કમિશન મળે છે, ભાવઘટાડો થતા વાહનો અને કમિશનમાં થોડોક વધારો થશે અને આ પૈસાથી હવે દિનયો પોતાની સાઈકલમાં પાછળ કેરિયર પર મંજુલા માટે સોફ્ટસીટ નંખાવી શકશે....બસ આજ ખુશી હતી પાંચ રૂપિયાનાં ઘટાડાની...
અંતિમ સ્પર્શ:
કહે જગત, ચઢે ને પડે ભાવ, ક્યાં ફરક પડે છે,
દોસ્ત પાંચ રૂપિયામાં ક્યાંક તાજમહલ બને છે.
- નિશાંક મોદી
No comments:
Post a Comment