એકબીજાની સમજૂતી સાથે છુટાછેડા લેવા પતિપત્ની કોર્ટમાં હાજર થયા. જજે પહેલો સવાલ કર્યો, "તમે બન્ને સહમત છો?" જી સર બન્ને નો એક જ જવાબ, બીજો સવાલ, "કારણ?" હું કોઈ બીજાને ચાહું છું, બન્ને નો એક જ જવાબ.
સહીઓ થઈ ગઈ ને છેડા છૂટી ગયા ને બંને નીકળી ગયા. જજને મનમાં ત્રીજો સવાલ થયો, "બન્ને સરખું જ વિચારે છે તોય કેમ છુટા પડે છે?" પોતે જ કાગળો ભેગા કરતા જવાબમાં બોલ્યા, "હશે, કદાચ આમની જ ફરી બીજી બે અરજીઓ આવવી જોઈએ..."
- નિશાંક મોદી
No comments:
Post a Comment