બે જુદી ડાળખી પર ઉછરેલા પણ પાસે રહેલા બે ગુલાબ જ્યારથી કળી હતા ત્યારથી સાથે હતા. નસીબ એટલા સારા કે માળી દ્વારા ચૂંટાયા પછી પણ એક જ ટોકરીમાં ભેગા રહ્યા. વેચાણ સુધી વાત ગઈ તો પણ સાથે એક જ ફ્લોરિસ્ટ જોડે પહોંચ્યા. અચાનક એક વ્યક્તિ આવી, પૈસા ચૂકવી એક ગુલાબ લઈ ગયું. વિદાય વેળાએ જાણે એક ગુલાબ બીજા ગુલાબને કહી રહ્યું હોય કે, 'હેપ્પી વૅલેન્ટાઈન્સ ડે.' જવાબ મળે કે ન મળે એ પહેલાં મોહબ્બતના સુગંધિત પુરાવા છુટા પડ્યા.
બીજું ગુલાબ સાંજ સુધી ન વેચાયું. પણ સાંજે એક જણ આવી લઈ ગયું. બન્ને ગુલાબમાં સુગંધ તો રહી હતી પણ સાથે સાથે એક ખાલીપો હતો. પણ પહેલા કીધું એમ નસીબ એટલા સારા હતા કે ગુલાબો ખરીદનાર બંન્ને વ્યક્તિ પોતે જ પતિ પત્ની નીકળ્યા. રાતે બેડરૂમમાં ગુલાબોની આપ લે થઈ. અંતે બેડરૂમમાં બે જોડી ગુલાબની હતી અને દરેક ગુલાબ બીજા ગુલાબને કહી રહ્યું હતું કે, 'હેપ્પી વૅલેન્ટાઈન્સ ડે.' બધા જવાબ મળી ગયા ને મોહબ્બતના પુરાવા મહેકવા લાગ્યા...
✍️નિશાંક મોદી
No comments:
Post a Comment